فیس بک ایونٹس اور گوگل کلینڈر کو منسلک کریں

اگر آپ کاروباری و نجی ملاقاتوں، پروگرامات اور دیگر اہم سرگرمیوں کی تاریخ اور اوقات یاد رکھنے کے لیے گوگل کلینڈر کا استعمال کرتے ہیں اور فیس بک ایونٹس پر بھی مختلف پروگرامات کے ساتھ یہ سلسلہ رہتا ہے تو بہتر رہے گا کہ آپ دو الگ کلینڈر دیکھنے کے بجائے ایک ہی نظر میں اپنا شیڈول دیکھیں۔ اس سے آپ ایک ہی دن اور وقت میں ایک سے زائد ملاقاتیں طے کرنے جیسی غلطیوں سے بچ جائیں گے اور آپ کو ایک ہی وقت میں کئی پروگرامات میں شرکت کا وعدہ کر کے شامل نہ ہوپانے پر شرمندہ بھی نہیں ہونا پڑے گا۔

سب سے پہلے فیس بک ایونٹس میں جائیں جہاں آپ کو متعلقہ پروگرامات کی بھرمار نظر آئے گی۔ اس صفحے پر دائیں جانب موجود سائیڈ بار کے بالکل آخر میں آپ کو Upcoming Events کا ربط نظر آئے گا، اس پر ماؤس کی مدد سے دایاں (right) کلک کریں اور Copy Link Location یا Copy Link Address پر کلک کردیں۔ یہاں فیس بک پر کام مکمل ہوا۔

فیس بک ایونٹس

اب گوگل کلینڈر پر جائیں جہاں آپ کو بائیں جانب Other Calendars کی سرخی نظر آئے گی، آپ اس کے ساتھ موجود بٹن پر کلک کریں اور پھر Add by URL کا انتخاب کریں۔ اگلے لمحے جو ڈبہ آپ کے سامنے ظاہر ہو اس میں فیس بک سے کاپی کیا گیا لنک ڈال (paste) کر Add Calendarکر دیں۔اگلے صفحے پر بغیر کوئی تبدیلی کیے Save کا بٹن دبائیں۔ کچھ ہی دیر میں آپ کے فیس بک پروگرامات گوگل کلینڈر میں ظاہر ہوجائیں گے۔

گوگل کلینڈر کا خاکہ نمبر 1

گوگل کلینڈر کا خاکہ نمبر 2

آپ یہ صفحات بھی دیکھنا پسند کریں گے ۔ ۔ ۔

2 تبصرے

  1. جناب وہ تو ٹھیک ہے مگر ہم ویلے بندوں کے کے فیوچر پروگرام 🙂

    اس تبصرے کا جواب دیںجواب
  2. شکریہ عمل کع لیا۔

    اس تبصرے کا جواب دیںجواب

اپنی رائے کا اظہار کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے